Лагерь

 Лагерьын али ужасько. Мынам кыкетӥ отряд. Нош ик 27 адями (1-тӥ, 3-тӥ но 5-тӥ классъёсысь пиналъёс). Ладно хоть ар куспын ваньмынызы ужай вал. Тазьы капчигес, витетӥ класс туж самостоятельныесь ин. Кыӵе умой городын улӥсь пиналъёслы.Кытчы но ми соосын ум ветлӥське, мае но ум адӟиське! Трамвае пуксид но мынӥд. Гуртысьёсызлы, конечно, та пумысен секытгес. Ми пичидыръямы лагере ветлыку, смена пумын гинэ кытчы ке ветлӥськом вал. Нош татын почти котькуд нунал! Кызьы бен трамваен ветлӥськом-соиз мукет ужпум. Мынам йыры 360 градус берга.Ваньзэс соосты эскероно ук!Быдэс салон кузя пуксёзы но.

   Ай ведь соос оломар но дауртын вуо на! Ваньзы сьӧры учкын но вырко кадь но. Алигес, трамвай витьыкумы, одӥгез нылы мукетызлэсь нырзэ куртчем! Горд виштыос ик кылемын вал!Ой бен йӧтӥз пиналлы! Нотациос лыдӟи,лыдӟи но, сэре берытски но серекъяй.Ой, пиналъёс - соос сыӵе пиналъёс! Серекъялод но бӧрдод но!

    Нош куке батутъёс школае ветлӥзы!...Шуккиськозы шуса кышканнам кытчы пырыны ик уг валаськы ни вал! 27 маймылъёс! Одӥгъёсыз батут вылын тэтчало, мукетъёсыз самокат нергеосын ворттыло, куинетӥосыз веломобильёсын ветло! Ладно ӝыны час гинэ шузияськизы!Сюлэмы потсал ин вылды!

  А ведь соос просто пиналъёс, кинлэн ке пиналъёсыз! А асламъёсыз луизы ке, сюлмы пыдтышам вуылоз дыр! Асьмелэн бен мамасмылэн кышканзы но а мара ми понна ӧй вал! Ми ма но турттӥське вал! То, писпу вылтӥ ветком вал, то шифоньер вылысь тэтчаськом, то зол-зол ӟечыраса, ӟечыран вылысь уськом вал, кенер вылысь коть ум но бырылӥське вал! Мон озьы уг быгаты,дыр. Мынам ваньзэ контроль улын воземе потоз,дыр.

Пиналъёс, конечно, прикольноесь! Но,мильым, куке соос ваньзы пель вылазы сыло и кесясько вандоно парсьпиос кадь, мынам чиданэ пилиське!!! Туннэ но тани, ӧй чида нош...Ӵуказе лагерьын стартин. Дасяно пичияк эктон быдэс отрядэн. Витетӥ классысь нылъёсы сыӵе ӟечокъёс! Кутскизы ваньзэ асьсэос, пичиоссэ пуктӥзы интыосазы, дышето. Мынясько. Нош пиос уг ик кылзӥсько. Ӧжыт шуыны уг кылзӥсько! Соос эшшо туж зол асьсэ куспын верасько! Соос доры азьло вожатойёсы лыктӥзы (мкш таиз вожатыйзы номыр уг кар!), нош соос элементарно султыны гинэ но уг быгато!Маке малпасько, ваньзэ верай бен, шонергес вераса, ньылонме чуть ӧй кесьы. Сотэк ӧз валалэ.  Чал-чал сыло. Кемалы ӧз тырмы бен. Уфф, куддыр кыӵе уродэсь. 

  

  Нош тазэ эктонэз лагерь пытсаськыкукы ваньмыз куать отрядъёс эктозы. Тазэ бен бамъёсы висьтозь ас поннам серекъяй. 

  

Киям крезе, сюлмам- кырӟанэ

  Крезен шудыны дышетскисько. Крезе кемалась кылле ин! Татчыозь кутскыны ӧй быгаты ук! То дыр ӧвӧл, то кужым, то дышетӥсез уг шедьы, то пумиськыны уг пӧрмы. Озьы ке но, кык урок басьтӥ ин!

Секыт. Особенно нотной грамотаед ӧвӧл ке! Со тыныд не гитараен тренькать! Турттӥсько, тыршисько. Бур киыным крезьгурзэ шудӥсько кадь. Паллян киыным басъёссэ тожо поттӥсько кадь. А ӵош шудыны уг пӧрмы. Ну, котьма тон кар- уг пӧрмы. Бен ма мон, арня турттӥсько ай но. Максималистка. Потэ сразу и ваньзэ. Москва но сразу ӧз пуктӥськы шуо но, кӧня пол эшшо ӝуалляз на. Так что, ваньмыз азьпалан ай. Вдруг куке уйин султыса шалтыр кык киыным ик шудыны кутско! Но отчызь ужано, ужано, ужано!

Сыӵе чебер та инструмент. Крезьгурез чылкыт, югыт, жингрес! Чик гитаралы уг тупа...Крезен шудыку, вань секыт малпанъёс соку ик тӧлӟо кадь. Кылё сайкытъёсыз, умойёсыз! Нуныме веттаса, одно ик крезен удмурт кырӟанъёс кырӟало.

Мынам крезен аспӧртэм кусыпъёсы. Со уго Мусоелэн нуныез.Нош мон нунызэ кӧкыасько.

Егит дышетӥсь (кутсконэз)

Я, мон но кисьмай лэся.Кӧня малпай ни вал, дневник порма маке нуыны шуса.  Мар ке пӧрмоз-а, уз-а – улом но адӟом!

Ортчиз аре! Школаын дышетон аре! Сыӵе ӝог! Ӧй но шӧды кадь… Али гинэ кадь вуи вал,  али гинэ дышыны выри Лилия Николаевна шуэмзылы, али гинэ возьдаськисьгес студент вал кадь…Нош табере методикен дышетӥсьмес ассэ тросэзлы ачим дышетыны быгато ин.

Капчи-а мар-а мон школалы дышӥ. Ноку но ӧй малпа вал, школаын ужаны яралоз шуса, да ещё сыӵе! Уйвӧтам но адӟисько куддыр.Пиналъёсын туж ӝог ужан ӧре пыри. Мар соос мынам пичиесь: 1-5 классъёс. Нош бадӟымъёсызлэсь кышкасько. Тодӥсько, кыӵе али соос-туала дышетскисьёс.

Нош началкаын ваньмыз чылкак мукет. Соос чылкытэсь ай, искренниесь, наивноесь. Быдэс ар ӟыгыръяськыса улӥзы монэным. Тросгес ужам дышетӥсьёс уггес лэзё котыразы биниськыны, сэректо, лэся. Нош егит выль дышетӥсьлэн сюлэмезлы со шумпотон ук! Ну кызьы соосты палэнтод котырысьтыд, куке соос  кыдёкысен бызё дорад «Хеллоу, Лилия Николаевна !» шуса?! Мон уг быгаткы, уг но поты.

Нош коллективен сыӵе ик умой ӧвӧл ваньмыз. Ну, кызьы, ваньмыз умой, но не сыӵе умой, кызьы потэ вал мынам. Школамы бадӟым: сюрс кык сю пала дышетскисьёсыз, куатьтон пала дышетӥсьёс. Школае лыктэме бере, кылиськыны ик нокытчы вал. Кабинетэ аслам ӧвӧл, «англичанкаослэн» монэ ас котыразы особо каремзы ӧз поты, лэся. Ык-мык ветлыса улӥ школа кузя нырысь кык арнязэ. Пегӟеме потэ вал ин нырысь. Нокинэ но уг тодӥськы, номыре но уг валаськы, собыдӟа школаын туж ӵем йыромисько. Кин ке(уг ни тодкы,кин) шуиз «Бен татчы кылиськылы пока»…Каморка кыӵе ке. Ӝӧк сылэ, кык пукон, дӥсь ошет и трос кыӵе ке вуж пуконъёс. Мда уж…Методкабинет,пе. «Окнозы»  дыръя началкаысь дышетӥсьёс пуко татын тетрадьёс эскерыса. Тодматскиськом, соослэн классъёсазы ужано луо ук. Школаысь, пе, или сразу кошконо или затягивает шуо мыным. Тау, туж умой дэмлан егит дышетӥсьлы сёто. Мылкыд ик ӝутске ужан сыӵе кылъёс бере.

Ог кылын вераса, котыраз нокин но монэ ӧз кары. Огнам, коӵыш кадь, кудӥз ас понназ ветлэ. Педагог-организаторъёс пала кариськыны выри но, ӧзгес яра. Мар ке пичияк азьланяз малпанъёсы сярысь поттылӥ вал но, завуч пумен кылэм нӥ лушкем малпанъёсме. Соку ик валай, кытысь тӧл пельтэ. Так, малпай, татын трос малпанъёстэ эн шарая ай, Лилия Николаевна!

Нагрузка 20 час английской и ӝыны ставка воспитательской сётӥзы. Воспитательын кыкетӥ сменае ужалод шуизы, нырысетӥ классын. ГПД(группа продлённого дня) дыръя ик удмурт кыл дышетоно, нырысетӥ классэн, куинь пол арняяз. Экспериментальной класс.

ГПД-зы соослэн кутскиз куинетӥ арняысен гинэ. Отчыозь школалы дышыны выризы ай. Кыкетӥ арнялэн пумаз нуизы монэ дышетӥсенызы тодматскыны. Умой кадь. Мар,пе, тон олокытчы но кылиськыса улӥськод, кылиськы,пе, дорамы! Уфф, хоть аслам сэреге пичияк ке но луоз шуса лулӟи ас поннам. Трос ма вераз на, али ваньзэ уг но тодкы ни, но точно прочно йырам кылиз, ас вылам туж-туж бадӟым ответственность басьтӥсько шуса. 27 адями. 27 пичи пиналъёс! 27 маймылъёс!!! Марысь мар луизы ке, виноват луо мон,пе. Тау бадӟым, буйгатӥды егит дышетӥсез!

Кытчы йырме чуртнасько! Быгато-а? Вормо-а? Тырмоз-а  визьмы, кужыме, чиданэ?!? Эскерем потэ ук! Аслым но назло. Универын практика чик ӧз кельшы вал ук! Эскеро! Быгато! Чидало! Вормо!

Папае  «мон уг быгаткы» верамелы, ялан тон ӧд но эскеры на ук шуэ. Вот, мон эскеро, сэре верало – быгато-а уг-а мон дышетӥсь луыны.