Вовчик-моряк!

26 июне Вовчикмес армие келям. Ужысь куриськыса нимысьтыз бертӥм. Ми Васен вазь гинэ вуим дораз. Особо нокинэз но ӧй вал на. Собере бен калык люкаськиз. Озьы ик малпай бен вал, калык  трос луоз шуса. Ӵыжы-выжыосыз но трос, эшъёсыз но.

Вовчик пальпотэ, серемъяське. Будто не со армие кошке. Бен со калык азьын гинэ. А так адске ук, тулкымъяське шуса. Ӝок сьӧрын пукем бере, ӝыныез егитъёс палэнскизы чуланкае. Активистъёс, аслым йылпумъян лэсьтӥ. Ух, кырӟам! Гитараен но, гармошкен но. Гармошкен Рома Болтачев шудӥз. Умой шудэ, пумен гурзэ но набрать карыны быгатэ. Шудонтӥяз гармошкезлэсь калзэ но чигтӥз. Мукет пороз егитъёс паймизы кадь, мар та калык татчы люкаськем шуса. Асьсэлы малы ке шуоно номыр кулэ ӧвӧл. Мынам туж потэ вал ульчае потса тямысэн эктон тыпыртыны. Ӧз потэ(

«Кыткы дядяй» но «Дас кык пар» кырӟан дасяй вал. Репетировать но карим соку ик, отын ик. Вовалэн Ижысь ӟуч эшъёсыз лыктэмын вал вить кузя. Куиньзэ бен мон тодӥсько вал. Кыкез мукетъёсыз бен ӵашетӥсь маръёс ке. Ну, малпай, туг шуккыкуз «Кыткы дядяез» кырӟам ке, ваньзы бӧрдозы. Вань атмосферазэ со ӟуч пиос сӧризы! Вот, уд ке тодкы сям-йылолъёсты, чалмытгес пук! Шуккем потэ вал ин. Макси бен шуккиз но кадь, толыкез ӧз луы.

11-12 котыр калык каллен кошкыны кутскизы. Ми Васен и Макси кылим на вал, да бен городысь пиос. Надя Наговицына но Костя Никитин вуыны кулэ вал. Малпам, соосты витём но, сэре бертылом. Ӵукна вазь нош келян лыктом шуса вераськиськом вал. Сэре ӧм но бертэ ни, ӧм но кӧлэ нӥ. Быдэс уй вераськыса, сиськыса, кырӟаса пуким.

Ӵукна туж чебер куазь вал. Сыӵе ик чебер службаез но мед луоз Вовчиклэн. Туспуктэмъёс туж чебер пӧрмо вылэм шунды ӝужаку. Моделез но бен ниче))

Дыр вуиз люкиськыны…Педло потӥм но «Ум люкиське» шуса кырӟам, ӟыгырскыса. Ӟуч пиос нош палэнын  сылӥзы. Кыкетсэ «Кыткы дядяез» но кырӟалом на пе. Кырӟакумы Вовамы ӝог-ӝог ӟыгыръяськиз но кошкиз. Вань пушкыз берытскиз дыр. Маша бӧрдын кутскиз, мон но шораз учкыса. Костя шорамы учкыса-а мар-а золгес кырӟаны кутскиз, быгатӥзы соос Надяен эмоциоссэс возьыны. А мамез Вовчиклэн машинаын зар-зар бӧрдса пукем…

Понедельнике(30 июне)сборный пунктэ  мыном шуса вераським вал. Вовалы жингыртӥ, телефонэз олокытын кыстаське шуизы. Мамезлы жингыртӥ: со,пе, вуэ ин дыр частяз. Я уга. Чупырес, чупырес тон, Вовчик. Отын но даже.Ӝыт гожтӥз мыным сообщение, автобусэн частяз мынэ ин шуса. Калининград…Кыдёкын. Зато дуннеез адӟылоз. Умой служить кар, моряк! Уть кунмес! Нош ми витём тонэ татын!